Eszenako ahots eder eta aztoratzaileenetako batekin, zenbait single, epes eta lau album atzean zituela, azkena, «Zoom», 2022an, Fee Reega (CAPTAINS, Dead Hands) musika egiten hasi zen bi mila eta bederatzian, eta, ordutik, behin eta berriz biratu du Europan zehar eta Nacho Vegas, Pablo und Destruktion, Dolfo Montes edo Hector Tuyarekin kolaboratu du, besteak beste.
Bere ibilbidean zehar, oihan beltzeko artistak abestien corpus idiosinkrasiko bat harilkatzea lortu du, bai alemanez eta bai gaztelaniaz, eta, horren bidez, egunerokotasunaren eta bazterreko gauzen kronista da, bai eta probokazioaren eta paradoxaren erabileraren maisu ere.
Asturiasko mendiaren bihotzean bizi da gaur egun, eta Reegak tinko jarraitzen du ametsen eta emozioen jatorria aurkitzen. Bilaketa horrek, erraztasun harrigarriz, gure erraien sakoneraino sartzeko aukera ematen dio, behin barruan, beldurrak, ametsak eta sentimenduak, ez beti atseginak, astindu eta azaleratzeko… zeren desira oro absentziatik baitator.
