Alado Síncera eta Ghandi rules OK taldeekin zuen ibilbidea luzatuz, 2014an Oriol Solek debuta egin zuen ‘Cadells’ -ekin. Igualadakoaren bakarkako lehen diskoari 2016an jarraipena emango zion maisulan batekin, ‘II’ disko bikoitzarekin.
Pop eta ruidismoaren arteko oreka dikotomikoaren bila, bere debutean eta espero gabe, Solék bi alorretan aurreikus zitekeenaren berri eman zuen. Hala ere, ‘II’-n Solé disko bikoitz batekin ausartu zen, eta, adierazpenaridagokionez zuhurra izan arren, lau mugimendu ditu (bederatzi pieza guztira), sentiberatasun eta arrisku ikaragarrikoak. ‘Cadells’ekin hasi zuen diskurtsoan ausardiaz sakonduz.
Erradikala baina melodikoa, Oriol Solék abestiaren forma klasikotik ihes egiten du eta paradoxa harmoniko bat proposatzen du: erreferenteak, melodia egokitzen duten tentsioak, diluitu eta soinu estatikoarekin nahasten dira, errepikapenek entzulea alertan mantentzen duten bitartean. Ziurgabetasuna sherpa da, Soléren lirika iradokitzaileari esker areagotzen den ziurgabetasuna. Bere lanak ahalmen iradokitzaile handia du, asaldatzailea da hitz egokia: puntuz puntu, poliki, Solék, azkenean, amaigabeki ederra dena zirriborratzen du.
